முதலிடத்திற்கு முன்னேறிய இலங்கை அணி

முத்தரப்பு தொடரில் அவுஸ்திரேலிய அணியுடன் நடந்த லீக் ஆட்டத்தில் இலங்கை அணி கடைசி ஓவரில் அபாரமாக வென்று புள்ளிப்பட்டியலில் முதலிடத்துக்கு முன்னேறியது.

முத்தரப்பு கிரிக்கட் தொடரின் நேற்றைய போட்டியில் இலங்கை அணி 3 விக்கெட் வித்தியாசத்தில் அசத்தல் வெற்றி பெற்றது.

281 ஓட்டங்களை வெற்றி இலக்காக கொண்டு களமிறங்கிய அணி 49.2 ஓவரில் 7 விக்கெட்களை மட்டும் இழந்த நிலையில் 283 ஓட்டங்கள் எடுத்தது.

இதன் மூலம் 3 விக்கெட் வித்தியாசத்தில் இலங்கை அணி வெற்றி பெற்றது. முன்னதாக துடுப்பெடுத்தாடிய அவுஸ்திரேலிய அணி, நிர்ணயிக்கப்பட்ட 50 ஓவரில் 6 விக்கெட் இழப்பிற்கு 280 ஓட்டங்கள் எடுத்தது.

இந்த அபாரமான வெற்றியால் 4 புள்ளிகள் பெற்ற இலங்கை அணி(1 போனஸ் புள்ளி), 15 புள்ளிகளுடன் முதலிடத்துக்கு முன்னேறியது.

மூன்று அணிகளுக்கும் தலா 2 லீக் ஆட்டம் எஞ்சியுள்ள நிலையில், சிட்னியில் நாளை நடக்க உள்ள போட்டியில் இந்தியா, அவுஸ்திரேலியாவுடன் மோதுகிறது.