பாகிஸ்தானுடனான 2ஆது ஒருநாள் போட்டியிலும் இங்கிலாந்து வெற்றி

பாகிஸ்தான் அணியுடனான இரண்டாவது ஒருநாள் சர்வதேச போட்டியில் இங்கிலாந்து அணி 20 ஓட்டங்களால் வெற்றி பெற்றுள்ளது.

அபுதாபியில் புதன்கிழமை பகல் இரவு ஆட்டமாக நடைபெற்ற இப்போட்டியில் முதலில் துடுப்பெடுத்தாடிய இங்கிலாந்து அணி 50 ஓவர்களில் 4 விக்கெட் இழப்பிற்கு 250 ஓட்டங்களைப் பெற்றது. அணித்தலைவர் அலஸ்டயர் குக் 102 ஓட்டங்களைப் பெற்றார்.

பதிலுக்குத் துடுப்பெடுத்தாடிய பாகிஸ்தான் அணி 49 ஓவர்களில் 230 ஓட்டங்களுடன் சகல விக்கெட்டுகளையும் இழந்தது.அவ்வணியின் சார்பில் அதிகபட்சமாக இம்ரான் பர்ஹாத், மிஸ்பா உல் ஹக் ஆகியோர் தலா 47 ஓட்டங்களைப் பெற்றனர்.

இங்கிலாந்து பந்துவீச்சாளர்களில் ஸ்டீவன் பின் 34 ஓட்டங்களுக்கு 4 விக்கெட்டுகளை வீழ்த்தினார்.

அலஸ்டயர் குக் இப்போட்டியின் சிறப்பாட்டக்காரராகத் தெரிவானார்.

இத்தொடரின் முதல் போட்டியிலும் இங்கிலாந்து அணி வெற்றிபெற்றிருந்தது. இதனால் 4 போட்டிகள் கொண்ட இத்தொடரில் அவ்வணி 2-0 விகிதத்தில் முன்னிலையில் உள்ளது